Mera Prayag

Chaliye ek kalpanik sheher mein. Jaha sabki yaadein basti hai. Yaadon mein basi usi Duniya mein, usi dhoop ki gungunahat se fir se judne ki koshish apno ke saath. Kuch aisi yaadein jinhe sun kar koi apni daadi-naani ke ghar pahucht jaata hai ya maa ki kahani mein jo wo raat mein sunaya karti thi.

Naini Bridge

"Yaadein mithai ke dibbe ki tarah hoti hai. Ek baar khula, toh sirf ek tukra nahin kha payoge.♥"

Mere liye bhi Ek sheher hai jo yaadon se bhara hai Jisne mera Pyar, Gussa, Sapne, Khushi, Dukh, Sab dekhe hai. Ye Sheher samay ke saath Badal raha hai aur duniya ke saath kadam se kadam milane ki koshish mein hai. Ise "Oxford of East" bhala Yun hi nahi kehte, yaha aap ban aur bigad dono hi sakte hai bas Aap par nirbhar karta hai.
Iski har yaad ko mein sanjo kr rakhi hai. Ye hai  "Mera Prayag" jise aajkal log "Allahabad" kehte hai.